Ambilan Minggu Exaudi, 16 Mei 2010

Panguhum 10:10-16

TANGIHON JANAH BALOSI HAM MA AHU !

  1. Salah sada dousa na lang iharosuhkon Naibata humbani bangsa Israel ai ma marnaibata na legan. Tapi halani faktor lingkungan gati sidea madabuh hubani hal na sada on. Dob masuk bangsa Israel hu tanoh Kanaan na ibobahon ni si Josua totap do ipagolpa ase ulang terpengaruh sidea bani lingkungan termasuk marnaibata na legan. Sebelum peristiwa on Josua sebagai pemimpin i kota Sikhem secara tegas domma paingatkon sikapni ilobei-lobei ni pangitua, kopala pakon gamot-gamot ni bangsa ai, bahasa ia pakon hasomanni sarumah Jahowa do sibalosan ni sidea (Josua 24:15). Haganupan bangsa ai marjanji janah mangkatahon sidea pe Jahowa Naibata do sibalosan pakon sorani do sitangihonon ni sidea (Josua 24:24). Dob matei si Josua, iangkat ma pemimpin bani sidea panguhum (hakim), misalni : Otniel, Ehud, Samgar, Debora, Gideon, Simson, pnl.
  2. Khusus bani teks ta on ipatugahkon roh hasosakan humbani halak Ammon. Bangsa Israel panorang ai mangulaki mambahen sogam uhurni Jahowa marhitei marnaibata na legan. Sidea marsombah hubani Baal pakon Asterot, hubani naibata ni halak Aram, Sidon, Moab, Ammon pakon naibata ni halak Palistim. Jadi gajak ma ringis ni Jahowa mangidah bangsa Israel. Ipakei Naibata ma use halak Palistim pakon halak Ammon manjajah sidea use 18 tahun dokahni, dengan harapan ase sadar sidea pasal dousani marnaibata na legan ai. Tarsosak tumang ma bangsa Israel, dob ni doruh-doruh ma bangsa ai janah nini ma dompak Jahowa : Domma mardousa sidea dompak Jahowa marhitei marnaibata na legan.
  3. Naibata paingathon sidea bahasa halani kuasa-Ni do paluahkon sidea humbani parjabolonan Masir, halak Amori, halak Ammon pakon halak Palistim, halak Sidon, Amalek, Midian, tapi totap sidea madabuh hubani dousa na sama ai ma marnaibata na legan. Halani ai bani ayat 13 iatahon Naibata, lang ra be Ia paluahkon sidea humbani penderitaan ni sidea. Secara tegas Naibata mambere parlajaran bani bangsani, ase paluahkon sidea humbani doruh-doruh ni panorang ai ase ipatugah sidea hubani naibata-naibata na legan ai, apakah sanggup padaohkon hasosakan humbani goluhni sidea ? Tapi totap bangsa ai mangelek hubani Naibata ase iurupi sidea bani hasosakan ai. Sidea mangaku domma mardousa dompak Naibata ase ibahen Naibata ma romban hubani harosuhni uhurNi. Bangsa ai bertekad laho padaohkon naibata-naibata na legan ai huntongah-tongah ni sidea janah marsombah ma sidea hubani Naibata Jahowa. Dob ni marulak-ulakan ma use Naibata mangidah penderitaanni bangsa ni ai. Bani bahasa Indonesia ihatahon : Tuhan tidak dapat lagi menahan hati-Nya melihat kesukaran mereka (ayat 16). Terjemahan bahasa Simalungun ihatahon : … “ gabe itos-tos ma uhur-Ni mangidah hasombuhan ni Israel “
  4. Refleksi/aplikasi :
  1. Adong pepatah nangkatahon : “keledai yang dungu sekalipun tidak akan pernah terperosok atau jatuh dua kali pada lobang yang sama”. Tetapi realitasni buei do i antara hita jolma lang pitah dua hali madabuh bani lobang na dos, tetapi berkali-kali dos songon bangsa Israel panorang ai. Anggo sonai lang bijaksanaan ma halodei ai pakon hita jolma tinompa ni Naibata ?
  2. Marnaibata na legan (Okultisme modern) atap istilah halusni pengobatan alternatif. Boi do gabe buei pilihan ni warga jemaat, bahkan majelis i kuria in. Sonaha do sikapta laho pagolpahon on ? Masalahni ai ma sanggah panorang marnaibata na legan ai sidea, marujung homa goluhni. Lang sompat ope “bertobat”. Hubani ise do tuntuton ni Naibata daroh ni sidea on ? Apalagi zaman sondahan on sompong-sompong do marujung goluhni jolma. Artini ai ulang ma namin hita tading i lobei atap penyesalan selalu datang terlambat.
  3. Sanggah dong ope panorang ni marexaudi ma hita songon par psalmen ni si Daud ibagas pangindoan pakon harapan : “Tangihon janah balosi Ham ma ahu Tuhan “.  Dengan catatan anggo domma itangihon janah ibalosi Tuhan pangindoanta, ulang nunut-nunut hita be mardousa ase ulang roh siparahan.
  4. Pnl-pnl.

Usul Doding  : 238:2-5

STT Abdi Sabda

Pdt. Jahenos Saragih